"Mənzil növbəsində olan ölkə üzrə bütün şəhid ailələri, müharibə əlilləri mənzillə təmin ediləcəklər”.

“Qafqazinfo” xəbər verir ki, bu barədə əmək və əhalinin sosial müdafiəsi naziri Anar Əliyev Milli Məclisin bu gün keçirilən plenar iclasında 2026-cı il dövlət büdcəsinin müzakirəsi zamanı danışıb.

“Şəhid ailələrinin və müharibə əlillərinin mənzil-məişət şəraitinin yaxşılaşdırılması üçün iki proqram icra edilir. Proqramlar dayandırılmayıb və davam etdirilir. Nazirlik ölkə üzrə yeni inşa edilmiş çoxmənzilli binalarda mənzillərin alışını həyata keçirir. Bu məqsədlə müvafiq tenderləri biz elan edirik.

Ümumilikdə isə bu proqram üzrə 15.7 min mənzil və fərdi evin verilməsi təmin olunub. 2018-25-ci illərdə bu kateqoriyadan olan şəxslərə 10 min mənzil və fərdi evin verilməsini təmin etmişik. Post-müharibə dövründə isə 6.9 min mənzil verilib. Cari ildə bu məqsədlər üçün 400-ə yaxın mənzilin alınmasını təmin edəcəyik”, - deyə nazir qeyd edib.