“Azerinews.az” xəbər verir ki, bu barədə Şirvan-Salyan Regional Təhsil İdarəsi məlumat yayıb.

Bildirilib ki, bu gün saat 10:45 radələrində Biləsuvar rayon 4 nömrəli tam orta məktəbin binasının ikinci mərtəbəsində elektrikpaylayıcıda qısaqapanma nəticəsində baş vermiş yanğın zamanı şagirdlər və işçi heyət dərhal təxliyə edilib, yanğın söndürülüb.

Hadisə ilə bağlı Fövqəladə Hallar Nazirliyinin “Qaynar xətt”inə məlumat verilib.

Qeyd edək ki, baş vermiş yanğın zamanı xəsarət alan olmayıb. Hazırda məktəbdə tədris prosesi davam edir.