ABŞ  prezidenti  Donald  Tramla  RF prezidenti  Vladimir  Putin  arasında  telefon  danışıqlarından  sonra  Rusiya siyasiləri  eyforiyaya  qapanıblar.
 Onlar  9  mayda faşizm üzərində qələbənin 80 illiyi  paradında  Ukrayna üzərində  "QƏLƏBƏ" qazandıqlarını  dünyaya  elan  etməyə  tələsirlər.
 Hərbi  paradda   Putinin Trampla birlikdə  iştirakına  hazırlaşırlar.
  Hələ  müharibə  bitməmiş, Ukraynanın 
“kapitulyasiya"sını  rəsmiıəşdirmək  üçün  Səudiyyə Ərəbistanında  Tramla  Putinin  görüşməsini  nəzərdən  keçirirlər.
 Yəni ,  dünyanın  iki  "QOÇUSU " Ukraynanın taleyini Ukrayna  siyasi  rəhbərliyinin  iştirakı  olmadan həll  etmək  istəyirlər.
 Lakin  yaxın  günlərdə Münhen Təhlükəsizlik konfransında
ONLARIN  (Tramp  və Putinin ) gözləmədiyi  sürpiz  qərarlar qəbul oluna bilər.
  Yayılan  məlumatlara görə  12 vevral 2025 - ci  il  tarixində  Brüsselə  gələn   ABŞ  müdafiə naziri - Pit Heqsetini  NATO-nun Avropa müttəfiqləri  soyuq  qarşılayıblar.
 Söhbət  zamanı   Heqsetin işğal edilmiş Ukrayna ərazilərinin qaytarılmasını və NATO-ya üzv olmasını “reallıqdan uzaq hədəf” kimi dəyərləndirməsi  fikrini  Böyük Britaniyanın, Fransanın, Almaniyanın, İtaliyanın, İspaniyanın və Polşanın xarici işlər nazirləri  qəbul  etməyib.
 Onlar  Ukraynaya bundan sonra da hərbi və maliyyə dəstəklərini artıracaqlarını bəyan  ediblər.
  Strateji  baxımdan  Ukraynanın məğlub olmasının Avropanın  təhlükəsizliyinə ciddi zərbə vuracağını  bildiriblər.
 Avropa  ölkələrinin  rəsmiləri  qeyd  ediblər  ki :
  "Ukrayna Avropanın bir parçasıdır və  Ukraynanın  danışıqlardan kənar qalması  yolverilməzdir."
 Donald Trampın  Putinlə  apardığı  telefon  danışıqları  barədə  açıqlamalarından sonra  ABŞ-ı  təmsil  edən  digər  siyasətçilər   tamam  başqa  fikirlər  səsləndiriblər.
 Məsələn , "Vitse-prezident Vens bildirib ki, Rusiya Ukraynanın müstəqilliyini və təhlükəsizliyini təmin edəcək sülh variantına razı olmasa, ABŞ Ukraynaya hərbi kontingent göndərəcək və Rusiyaya qarşı sanksiyaları sərtləşdirəcək".
   Müdafiə naziri Heqset  isə  əvvəlki sözlərinə düzəliş edərək deyib ki, "Ukraynanın heç vaxt NATO üzvü olmayacağını söyləməyib, söhbət yalnız indiki mərhələdən gedir."
  Heqset  qeyd edib ki, Ukraynaya nüvə silahı verilməsi də istisna deyil.   Lakin  bu fikirlərin  reallığı  azdır.
 Çox  güman  ki ,  bu  sözlərlə  Heqset   Rusiyanı  qorxuzmaq  istəyir.
 Trampın Ukrayna üzrə xüsusi nümayəndəsinin müavini Koul da  bəyan edib ki, gələcəkdə Ukraynanın öz ərazi bütövlüyünü bərpa etməsini və NATO-ya qəbul olunmasını istisna etmirlər.
  Məlumatlara görə  bu gün Ukraynanın silah-sursat ehtiyacının 70 faizi Ukraynanın özü və  Aİ tərəfindən təmin edilir .
Doğrudur , ABŞ-ın dəstəyi  də çox vacibdir.
 Amma   görünən  odur  ki , ABŞ əlini çəksə belə Ukrayna  öz  gücü  və  Avropa  ölkələrinin  dəsdəyi  ilə  müharibəni  davam  etdirməkdən  imtina  etməyib.
  Göründüyü  kimi ABŞ  həmişəki  kimi  ikili  standartlarla  çıxış  edir.
  Ölkələrinin  taleyini  Ukrayna  xalqı  özü  həll  edəcək .

Qəvami  Sadıqbəyli, Jurnalist - politoloq.
14  Fevral  2025 - ci il.