Ağ Evdə  Donald Trampla  Ukrayna  lideri  Volodimir  Zelenski  dialoqu  zamanı baş  verən  qalmaqaldan  sonra ABŞ-AB  siyasi  müstəvisində  əmələ gələn 
 gərginlik,  ziddiyyət və çat dərinləşməkdə davam edir.
 Qərb  dövlətlərinin  siyasi rəhbərləri   bu prosesi  dayandıra bilməsələr  dünyanın ən böyük güc mərkəzi olan  
" kollektuv Qərb"-in yaxın zamanlarda  parçalanması  labüdür.
Bu gedişad  Avropa Birliyinin də gələcək taleyini şübhə altına salır. 
 Faktiki olaraq  Donald Tramp prezident Volodimir Zelenskiyə Ukraynanın təbii sərvətlərinin ABŞ-a təhvil verilməsi barədə sazişi imzalatdıra bilmədi. Bununla  da  ABŞ-Rusiya  və  ABŞ-AB münasibətləri  siyasi dumana girmiş oldu.
   ABŞ və  Rusiyanın  maraqlarına xidmət edən  Tramp-Putin  sövdələşməsinin  təsiri ilə Ukrayna müharibəsini dayandırmaq planı pozuldu.
  İndi Ukrayna ordusunun hərbi texnika ilə təchizatı məsələsi Avropa Birliyinin öhdəsinə qalır.
 Məhz  bu səbəbə  görə Avropa  ölkələri  ciddi çaşqınlıq içindədir.
 Avropa Birliyi  qətiyyətli addımlar atmasa, öz gələcəkləri təhlükə altında qala bilər.
 Zelenskinin  Ağ Evi tərk etdikdən sonra  birbaşa Londona  gəlməsi ; 2 mart 2025- ci il tarixində  Böyük  Britaniya başda  olmaqla Avropa dövlət  bsşçılarının toplanmasını  zəruri etdi.
  Bu arada Böyük Britaniyanın baş naziri Keir Starmer Türkiyə prezidenti Rəcəb Tayyib Ərdoğanla Ukrayna böhranını müzakirə etməyi lazım bildi və  Avropa  liderlərinin  toplantısında  Türkiyəni  xarici  işlər naziri Hakan Fidan təmsil etdi.
 Uzun əsrlər boyu  dünyaya  nəzarət  etməkdə təcrübəli olan  Böyük  Britaniyanın  baş  naziri  indiki situasiyada  Avropanın  təhlükəsizliyini  qorumaq  məsələsində  Türkiyənin  müstəsna  rolu  ola  biləcəyini  yaxşı bilir.
 Lakin  Dövlətçilik  məsələsində  Böyük  Britaniyadan da  çox  təcrübəsi  olan Türkiyənin prezidenti Rəcəb Tayyib Ərdoğan sadəlövh  deyil.
   Ukraynanın ; əslində  isə  Avropa  ölkələrinin  müdafiəsini gücləndirmək  prosesində iştirak etmək üçün  Türkiyə tərəfinin  öz  şərtlərini diqtə  edəcəyi şübhə  doğurmur.
 Nəticə  etibarı ilə  Avropa  ölkələri  öz  "dərilərini"  qorumaq  üçün  50 ildən çox qapı arxasında  saxladıqları  Türkiyəyə "ağız açmağa"   məcbur qalıblar.
 Çünki ,  coğrafi  xəritədə  Ukraynadan  sonra  Avropa  ölkələri  yerləşir.
 Ukrayna  
 müdafiəsiz  qalsa  Rusiya  Avropa ölkələrini də  işğal edəcək.
 Yaxınlaşmaqda olan  təhlükəni təkcə Böyük Britaniyanın  deyil, digər Avropa  dövlətlərinin  siyasətçiləri də yaxşı bilirlər.
  İndi Avropa dövlətləri  Ukraynaya hərbi dəstək üçün daha çox  maliyyə vəsaiti ayırmağa  məcbur olublar.
 Son  məlumatlara görə, Avropa ölkələrinin Ukraynaya veriləcək dəstəklə bağlı prinsipial  qərarı və rəsmi  mövqeyi 6 mart  2025-ci il tarixində keçiriləcək toplantıda aydın olacaq.
   Bu isə o deməkdir ki : Avropa  ölkələrinin planı  icraya  yönəlsə  Ukrayna  müharibəsi  daha  da şiddətlənəcək.
  Perespektivdə  Ukraynalılar  müharibənin ağır yükünü  bir qədər  də  çəkməli olacaqlar ; getdikcə  zəifəyən  Rusiyada isə mərkəzdənqaçma  prosesi  başlayacaq.

Qəvami  Sadıqbəyli.
3  Mart  2025 - ci il.