Qəzzaya humanitar yardım aparan Qlobal Sumud flotilyasının saxlanılan aktivistləri sağlamdır və təhlükəsizlikdədir.

"Azerinews.az" xəbər verir ki, bu barədə İsrail Xarici İşlər Nazirliyi məlumat yayıb.

“HAMAS-Sumud təxribatı bitib. HAMAS-Sumud təxribat yaxtalarının heç biri aktiv döyüş zonasına daxil ola bilməyib və qanuni dəniz blokadasını yarmağa müvəffəq olmayıb. Bütün sərnişinlər təhlükəsizlikdədir və sağlamlıqları qaydasındadır. Onlar təhlükəsiz formada İsrailə gedirlər və oradan da Avropaya deportasiya olunacaqlar. Bu provokasiyada iştirak edən sadəcə bir gəmi uzaq məsafədə qalıb. O gəmi də yaxınlaşaraq aktiv döyüş zonasına daxil olmağa və blokadanı yarmağa çalışsa, onun da qarşısı alınacaq”, - nazirliyin bəyanatında qeyd olunub.