Türkiyədə Gəzi Parkı etirazlarını planlaşdırmaqda təqsirləndirilərək yenidən saxlanılan menecer Ayşe Barım barəsində verilmiş həbs qərarı ləğv edilib. 

“Azerinews.az” Türkiyə KİV-ə istinadən xəbər verir ki, qərar Məhkəmə-Tibbi Ekspertizasının təqdim etdiyi rəyə əsasən çıxarılıb.

Rəydə qeyd olunub ki, Ayşe Barımın səhhəti səbəbindən onun müalicəsinin xəstəxana şəraitində davam etməsi zəruridir və həbsxana şəraitində qalması uyğun hesab edilmir.

Beləliklə, Barımın barəsində olan həbsə dair qərar ləğv edilib. O, bundan sonra müalicəsini xəstəxana şəraitində davam etdirəcək.

Xatırladaq ki, Ayşe Barım Gəzi Parkı hadisələrində iştirak iddiası ilə bağlı aparılan istintaq çərçivəsində həbs edilmişdi. Ona 22 il 6 aydan 30 ilədək həbs cəzası istənilmişdi.