Türkiyənin səhiyyə naziri Kamal Memişoğlu bütün orqanlarını bağışlayıb.

“Azerinews.az” xəbər verir ki, nazir orqan bağışlanmasının vacibliyinə diqqət çəkmək və bu sahədə maarifləndirmə aparmaq məqsədilə “e-Nabız” sistemi vasitəsilə orqanlarını rəqəmsal formada bağışlayıb:

“İnancımıza görə, bir canı xilas etmək bütün dünyanı xilas etməyə bərabərdir. Bu anlayışı cəmiyyətə düzgün çatdırmaq vacibdir.

İnsanlar sağ ikən özlərinin bir hissəsini bağışlayırlar. Ölkəmizdə ildə 5 mindən çox orqan köçürməsi həyata keçirilir və bunun 90 faizi canlı donorlardan alınır. Bu isə onu göstərir ki, cəmiyyət öləndən sonra da orqan bağışına daha açıq ola bilər. Bu istiqamətdə səylərimizi davam etdiririk. Hər gün Türkiyədə 32.500 insan bir orqan gözləyir”.