Ermənistanın Baş naziri Nikol Paşinyan Rusiya prezidenti tərəfindən Erməni Apostol Kilsəsinin Rusiya yeparxiyasının rəhbəri, arxiyepiskop Yezras Nersisyana (Katolikos II Qareginin qardaşı) Aleksandr Nevski ordeni ilə təltif olunmasına şərh verməkdən imtina edib.

"Azerinews.az" xəbər verir ki, bu barədə Newsarmenia.am məlumat yayıb.

"Təltif olunması faktına gəldikdə, burada şərh edəcək bir şey yoxdur. Hər hansı bir ölkə istədiyi şəxsi, o cümlədən erməni yepiskopunu təltif edə bilər. Onun Rusiya vətəndaşlığının olması da istisna deyil", - deyə Paşinyan cümə axşamı keçirilən brifinqdə bildirib.

O, parlamentin tribunasından arxiyepiskop Yezras Nersisyanı keçmiş Dövlət Təhlükəsizlik Komitəsinin (DTK) agenti adlandırdığını xatırladıb.

"Qəribədir ki, jurnalistlər Ktriç Nersisyandan (Katolikos II Qareginin dünyəvi adı - red.) onun subaylıq andı içdikdən sonra övladının dünyaya gəlməsi ilə bağlı bir izahat gözləmirlər və beləliklə o, katolikos ola bilməz. Ktriç Nersisyan katolikos deyil. Erməni Apostol Kilsəsinin bu gün katolikosu yoxdur. Bu statusda qanunsuz olaraq oturan bir şəxs var", - deyə Paşinyan bildirib.