ABŞ ordusunun Venesuelaya endirdiyi irimiqyaslı zərbələrdən sonra ölkə lideri Nikolas Maduronun ələ keçirilməsi ilə bağlı bəzi detallar məlum olub.

“Azerinews.az” xəbər verir ki, bu barədə CNN məlumat yayıb.

Nəşrin mənbələrə istinadən verdiyi məlumata görə, təxliyə əməliyyatı bir neçə gün əvvəl Ağ Ev tərəfindən təsdiqlənib. Bildirilib ki, Maduronun yerini Mərkəzi Kəşfiyyat İdarəsinin (CIA) agentləri uzun müddət izləyiblər. Hətta CIA Venesuelada gizli əməliyyatlar keçirmək üçün bir neçə ay əvvəl Trampdan xüsusi icazə alıbmış.

Xatırladaq ki, ABŞ Prezidenti Donald Trampın bu gün Florida ştatındakı Mar-a-Laqo iqamətgahında Bakı vaxtı ilə saat 20:00-da mətbuat konfransı keçirərək əməliyyatın bütün gizli təfərrüatlarını açıqlayacağı gözlənilir.