ABŞ Konqresinin verdiyi "ciddi milli təhlükəsizliyə təhdid" bəyanatı ilə bağlı müzakirələr davam edir. Ağ Ev Rusiyanın kosmosa peykləri məhv edə bilən nüvə bombası göndərməsi ilə bağlı iddiaları təkzib etsə də, müdafiə mediası bunu təsdiqləyib. ABŞ kosmosa əks peyklər də göndərib.

"Azerinews.az@ xarici mediaya istinadən xəbər verir ki, ABŞ Konqresinin Nümayəndələr Palatasının Kəşfiyyat Komitəsi bu yaxınlarda Birləşmiş Ştatların “ciddi milli təhlükəsizlik böhranı” ilə üz-üzə olduğunu bəyan edib. Dünya gündəmini zəbt edən açıqlamadan sonra Ağ Evin Milli Təhlükəsizlik Kommunikasiyalar üzrə müşaviri Con Kirbi müzakirələrə aydınlıq gətirərək, sözügedən təhlükənin Rusiyanın inkişaf etdirdiyi, lakin hələ də aktiv olmadığı “peykləri hədəf alma qabiliyyəti” ilə bağlı olduğunu açıqlayıb. Kirbi israrla sözügedən qabiliyyətin nə olduğu barədə təfərrüata varmadı.

Ağ Evin Milli Təhlükəsizlik müşaviri Jake Sullivan təhlükəni uzun müddətdir izlədiklərini açıqlayıb.