Gürcüstanın Baş Naziri İrakli Kobaxidze İslandiya prezidenti Qudni Yohansonla görüşüb. "Azerinews.az" Gürcüstan mətbuatına istinadən xəbər verir ki, bu barədə Hökumət administrasiyası məlumat yayıb. Məlumata əsasən, görüşdə İslandiya ilə Gürcüstan arasında mövcud ikitərəfli münasibətlərə və əməkdaşlığın gələcək perspektivlərinə toxunulub. Müxtəlif sahələrdə əməkdaşlıq məsələləri müzakirə edilib. Səfərlərin gələcək mübadiləsinin və beynəlxalq platformalarda fəal tərəfdaşlığın vacibliyi vurğulanıb. Diqqət iki ölkə arasında ticarət, iqtisadiyyat, enerji və turizm sahələrində əlaqələrə yönəlib. Bu sahələrdə əməkdaşlıq potensialından maksimum istifadənin zəruriliyi qeyd olunub.