"Kiyev heç vaxt Rusiyanın nəzarətinə keçməyəcək. Bu mümkün deyil".

 "Azerinews.az" UNIAN-a istinadən xəbər verir ki, bu barədə ABŞ dövlət katibi Antoni Blinken danışıb.

 "Bu baş verməyəcək, indi də baş vermir. 2022-ci ildə Rusiya təcavüzünün başlanğıcında biz düşünürdük ki, Kiyevin süqutu ehtimalı var. Amma Ukrayna xalqının inanılmaz müqaviməti sayəsində, eləcə də ABŞ, Fransa və digər ölkələrin dəstəyi sayəsində, Putinin bütün ölkəni udmaq, onu xəritədən silmək, Rusiyanın bir hissəsi etmək istəyi həyata keçirilməyib və keçəməyəcək”, - deyə dövlət katibi bildirib.

 Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.