Moskvada Martenovskaya küçəsində yerləşən sənaye və anbar binasında baş verən yanğın artıq söndürülüb.

Bu barədə Rusiya Fövqəladə Hallar Nazirliyi məlumat yayıb.

"Yanğın tamamilə söndürülüb, insident nəticəsində xəsarət alan olmayıb", - nazirlikdən verilən xəbərdə deyilir.

Qeyd edək ki, Martenovskaya küçəsində yerləşən sənaye və anbar binasında yanğın çərşənbə günü səhər tezdən başlayıb. Yanğının ilkin sahəsi 800 kvadratmetr olsa da, sonradan genişlənərək 4000 kvadratmetrə qədər ərazini əhatə edib.

11:06

Səhər tezdən Moskvanın Marten küçəsində yerləşən sənaye və anbar binasında yanğın başlayıb.

Rusiya Fövqəladə Hallar Nazirliyinin (FHN) məlumatına görə, xilasedicilər yanğını 3000 kvadratmetr sahədə lokallaşdıra biliblər.

FHN-in məlumatına görə, yanan binanın üzərinə 75 ton su tökən yanğının söndürülməsinə iki "Ka-32" helikopteri cəlb olunub.

"Artıq 32 dəfə olmaqla yanğın yerinə 200 ton su buraxılıb", - deyə idarədən bildirilib.

Paytaxtın Nəqliyyat Departamentindən verilən məlumata görə, yanğınla əlaqədar Marten küçəsi ilə hər iki istiqamətdə avtomobillərin hərəkəti dayandırılıb.

Moskva prokurorluğu yanğının səbəblərinin müəyyən olunmasına nəzarət etdiyini bildirib.