Şahzadə Keyt Middlton sağalmaq üzrədir.

Kral ailəsinin dostu profilaktik kimyaterapiya kursunun uğurla keçdiyini bildirib.

"Onun müalicə alması və özünü daha yaxşı hiss etməyə başlaması məni çox rahatlandırdı. Təbii ki, bu, çox çətin və narahatedici dönəm idi. Hamı - Uilyam, valideynləri, bacısı və qardaşı onun ətrafında toplaşmışdı", - deyə o qeyd edib.

Bununla belə, Keyt Middltonun nə vaxt ictimaiyyət qarşısına çıxacağı və yenidən işə başlayacağı barədə hələ dəqiq məlumat yoxdur.

"Bu, Keyt özünü hazır hiss edəndə və həkim personalından icazə aldıqda baş verəcək. Amma o, 100% işə qayıdacaq, buna heç bir şübhə yoxdur", - deyə insayder əlavə edib.

Xatırladaq ki, martın 22-də Keyt Middlton hazırda profilaktik kimyaterapiya kursunun ilkin mərhələlərini keçdiyini açıqlamışdı. Şahzadə bildirib ki, xərçəng qarın əməliyyatından sonra edilən testlər zamanı aşkarlanıb. Bu açıqlamadan sonra Böyük Britaniya kralı şahzadə Uilyamın həyat yoldaşının cəsarəti ilə fəxr etdiyini söyləyib.

Mənbə: Gazeta.ru