Fransız “Vətənpərvərlər” hərəkatının lideri Florian Filippo Fransanın kənd təsərrüfatını xilas etmək üçün Avropa İttifaqını “məhv etməyə” çağırıb.

Bu barədə siyasətçi “X” sosial şəbəkəsindəki səhifəsində Brüsselin MERCOSUR (Cənubi Amerikanın ümumi bazarı, Argentina, Braziliya, Uruqvay, Paraqvay və Venesuela arasında iqtisadi və siyasi saziş red.) ilə azad ticarət sazişinin qəbulunu sürətləndirmək qərarını şərh edərkən yazıb.

Onun sözlərinə görə, bu sənəd Fransanın kənd təsərrüfatına ciddi ziyan vuracaq.

“Bu qərar kənd təsərrüfatımızı öldürəcək. Bizi məhv etməmişdən əvvəl AB-ni məhv edək!” – deyə Florian Filippo çağırış edib.