"Azerinews.az" "Sputnik Georcia" ya istinadən xəbər verir ki, “Verxniy Lars” beynəlxalq buraxılış məntəqəsi ilə Gürcüstandan Rusiyaya gedən yol ağır yük maşınları üçün bağlanıb. Bu barədə Gürcüstanın Regional İnkişaf və İnfrastruktur Nazirliyinin Avtomobil Yolları Departamenti məlumat yayıb.

Qar fırtınası və zəif görmə ilə əlaqədar Qudauri-Kobi hissəsində qoşqulu və yarımqoşqulu avtomobillərin hərəkəti qadağan edilib.
Mleta-Qudauri və Qudauri-Kobi hissələrində nəqliyyat minik avtomobilləri üçün açıqdır.
Gürcüstan Hərbi Yolu hazırda Ermənistanı Rusiya ilə birləşdirən yeganə quru yoludur. Pis hava şəraitinə görə vaxtaşırı bağlanır.