“Hazırda Ermənistan-Türkiyə sərhədinin açılması və iki ölkə arasında diplomatik münasibətlərin qurulması üçün heç bir ciddi maneə yoxdur”.

“Azerinews.az” “Sputnik Ermənistan”a istinadən xəbər verir ki, bu barədə Ermənistan Baş naziri Nikol Paşinyan VIII Paris Sülh Forumunda çıxış edərkən danışıb. 

Onun sözlərinə görə, Ermənistan və Türkiyə arasında artıq müsbət dialoq formalaşıb, münasibətlərin normallaşması prosesi isə inkişaf etməyə davam edir.

Paşinyan vurğulayıb ki, iki ölkə arasında münasibətlərin qurulması və sərhədin açılması zaman məsələsidir. 

Qeyd edək ki, Ermənistanla Türkiyə 1991-ci ildən diplomatik əlaqələrə sahib deyil, iki ölkə arasında sərhəd isə Türkiyənin təşəbbüsü ilə 1993-cü ildən bağlıdır.