Norveç millisinin hücumçusu Erlinq Holand dünya çempionatının seçmə mərhələlərində Avropa zonası üzrə ən çox qol vuran futbolçular arasında rekordu təkrarlayıb.

"Azerinews.az" xəbər verir ki, "Mançester Siti"nin ulduz forvardı DÇ-2026-nın seçmə mərhələsinin İtaliya yığması ilə səfər oyununda (4:1) iki qol vurub. Bununla da Holand cari sikldə qollarının sayını 16-ya çatdıraraq, polşalı Robert Levandovskinin DÇ-2018-in seçmə mərhələsində əldə etdiyi nəticəni təkrarlayıb. Portuqaliyalı Kriştianu Ronaldu DÇ-2018-in seçmə oyunlarında 15 qol vurmaqla Levandovskidən 1 top geri qalmışdı.

İran millisinin keçmiş üzvü Kərim Baqeri dünya çempionatının seçmə mərhələlərində ən çox qol vuran futbolçudur. O, DÇ-1998-in seçmə oyunlarında 19 dəfə rəqib qapılarına yol tapmışdı.