Tanınmış jurnalist Günel Bəhramqızı İqtisadiyyat Nazirliyi yanında Dövlət Vergi Xidmətinin (DVX) Media və Kommunikasiya idarəsinin rəis müavini təyin olunub.

“Azerinews.az” xəbər verir ki, jurnalist bu barədə sosial şəbəkə hesabında paylaşım edib.

“Göstərilən etimada görə təşəkkürümü bildirirəm. Peşəkarlıq və məsuliyyət bundan sonra da əsas iş prinsipim olaraq qalacaq. Media və ictimaiyyətlə açıq, çevik və qarşılıqlı etimada əsaslanan əməkdaşlıq qurmaq üçün çalışacağam”, - Günel Bəhramqızı bildirib.

Qeyd edək ki, G.Bəhramqızı bu təyinatadək sözügedən qurumda Media və Kommunikasiya idarəsinin əməkdaşı kimi fəaliyyət göstərib.