"Türkiyə Suriya ordusuna “Azərbaycan modeli” əsasında dəstək verməyə hazırdır”.

“Azerinews.az” “TRT Haber”ə istinadən xəbər verir ki, bu barədə Türkiyənin milli müdafiə naziri Yaşar Güler brifinqdə danışıb. 

Y.Güler ölkəsinin Suriyanın terrorla mübarizəsinə və ordusunun modernləşdirilməsinə dəstək verə biləcəklərini bildirib və Türkiyənin hərbi təlim təcrübəsini xatırladıb:

“Azərbaycana, Liviyaya və Somaliyə təlim dəstəyimizi verdiyimiz kimi, onları da eynisi ilə təmin edə bilərik. Təlimlərə Türkiyədə başlamışıq və davam edirik. Suriyanın terrorla mübarizəsinə yardım etməli olduğumuzu düşünürük və bu istiqamətdə fəaliyyətlərimizi davam etdiririk”.