2025-ci il Azərbaycan üçün bir sıra hadisələrlə əlamətdar olub. Ölkəmizdə müxtəlif beynəlxalq tədbirlər keçirilib, diplomatiya sahəsində möhtəşəm nailiyyətlər qazanılıb.

Təbii ki, ölkəmizin inkişafına müsbət təsir göstərən bu fəaliyyətlər Prezident İlham Əliyevin liderliyi və birbaşa iştirakı ilə həyata keçib.

"Azerinews.az" dövlət başçısının 2025-ci il üzrə rəsmi fəaliyyətindən statistik göstəriciləri oxucularının diqqətinə çatdırır:

Prezident İlham Əliyev yola saldığımız il ərzində 20 xarici, 38 daxili səfər gerçəkləşdirib. 309 tədbirdə, 121 görüşdə, 12 imzalanma mərasimində iştirak edən dövlət başçısı 113 qəbul, 17 mətbuat konfransı keçirib, 20 bəyanat verib, müxtəlif tədbirlərin iştirakçılarına 42 müraciət ünvanlayıb.

Həmçinin Azərbaycan lideri 185 qanunu təsdiqləyib, 180 sərəncam imzalayıb.

Eyni zamanda, İlham Əliyev yerli və xarici KİV-ə on müsahibə verib.