"Azerinews.az"ın Gəncə bürosu xəbər verir ki,
Gəncə Şəhər İcra Hakimiyyətinin başçısı Niyazi Bayramovun tapşırığına əsasən, şəhərin müxtəlif ərazilərində yerləşdirilən istiqamətverici lövhələr təmir olunub. Belə ki, sözügedən lövhələr Mənzil Kommunal Təsərrüfatı İstehsalat Birliyinin emalatxanasında əsaslı şəkildə təmir edilərək yenidən şəhərin müxtəlif ərazilərində quraşdırılır.
  İstiqamətverici lövhələrin quraşdırılmasında əsas məqsəd Gəncəyə gələn xarici qonaqlara şəhərin istiqamətlərini, tarixi-mədəniyyət abidələrini, ictimai əhəmiyyətli obyektləri, küçə və prospektləri göstərməklə yanaşı, həm də tanıtmaqdır.