Bu gün səhər saatlarında Yasamal rayonunda azyaşlı qız tapılıb.

“Azerinews.az” xəbər verir ki, bu barədə görüntülər sosial şəbəkədə yayılıb. 

Uşağı tapan şəxsin bildirdiyinə görə, o, səhər saat 9-da pijamada, ayaqyalın həyətdə gəzirmiş: “Qonşuların hamısından soruşduq, heç kim tanımadı. Uşaq donurdu, evə gətirib polisə xəbər verdik. Ayaqlarının altı qapqara idi, bilinir ki, çox yol gəlib…”

Yayılan görüntülərlə bağlı Daxili İşlər Nazirliyinə sorğu ünvanladıq. Qurumdan bildirildi ki, azyaşlının valideynləri tapılıb və o, ailəsinə təhvil verilib.