"İdxal-ixrac portalını yaratmağa çalışırıq. Gömrüklə bərabər, digər orqanları da bu platformada birləşdirmək istəyirik".

Bizim.media xəbər verir ki, bu fikirləri Dövlət Gömrük Komitəsinin sədri Şahin Bağırov keçirdiyi forumda səsləndirib.

O bildirib ki, artıq müxtəlif nazirliklərlə bu barədə razılıq əldə olunub:

"İcazələr bir portalda ola bilər. Gömrük rəsmiləşdirilməsi daha asan proses olacaq. Bu, bizim qarşımızda duran ən vacib hədəflərdən biridir. Bununla da biz biləcəyik ki, hansı halda hansı məhsul sərhəddən keçməyib. Bunu ölçə bilən mexanizm olacaq. Səbəb məlum olacaq".