1 iyun - Uşaqların Beynəlxalq Müdafiəsi Günü Gəncə şəhərində qeyd olunub. Şəhərdə fəaliyyət göstərən orta məktəblər və məktəbəqədər təhsil müəssisələrində müxtəlif tədbirlər keçirilib. "Azerinews.az" olaraq böyük şairimiz Nigar Rəfibəylinin adını daşıyan 43 nömrəli tam orta məktəbdə təşkil olunan tədbiri işıqlandırmaq qərarına gəldik. 
   Məktəb həyətində keçirilən tədbir şagirdlərin təbaşirlə arzu və istəklərinə uyğun şəkil çəkməkləri ilə başladı. Daha sonra tədbir şagirdlərin fərdi və qruplarla rəqsləri, musiqi ifaları ilə davam etdi.
   Tədbir iştirakçıları çıxışlarında ölkəmizdə yaşayan bütün uşaqları Uşaqların Beynəlxalq müdafiəsi günü münasibətilə ürəkdən təbrik etdilər, onlara səadət, şən həyat, uzun ömür, xoşbəxt gələcək arzuladılar.