"Azerinews.az" xəbər verir ki, Gürcüstandakı səfirliyimizin təşkilatçılığı ilə Tbilisidə “Xocalıya ədalət!” beynəlxalq kampaniyası çərçivəsində məlumatlandırma aksiyası keçirilib. Bu haqqda şəxsi facebook səhifəsində jurnalist Cəmilə Babayeva paylaşım edib.

Faciənin 32-ci ildönümünə həsr olunan aksiya çərçivəsində LED ekranlı avtomobil Tbilisinin mərkəzi meydan, küçə və prospektlərində hərəkət edərək Xocalı həqiqətlərini diqqətə çatdırır.

Ekranlarda soyqırımı haqqında gürcü və ingilis dillərində məlumat, “Xocalıya ədalət” şüarı, “Ana harayı” abidəsi, Qələbə rəmzimiz Xarıbülbülün təsvirləri yer alıb.