"Azerinews.az" "kanal 24" ə istinadən xəbər verir ki, Estoniyanın baş naziri Kallas Rusiya-Ukrayna münaqişəsi haqqında fikir bildirərkən vurğulayıb ki, Qərb dövlətləri Ukraynaya qələbə qazandırmasalar, onda növbəti işğal hədəfi NATO  ola bilər.

Estoniyanın baş naziri Kaia Kallas qeyd edib ki, Rusiya NATO ilə münaqişədən qorxur. Lakin bu o demək deyil ki, Alyans işğalın hədəfi ola bilməz.

Biz öz gücümüzü qiymətləndirməməliyik. Rusiya təbii ki, NATO ilə münaqişədən qorxur. Biz Alyansda olduğumuz üçün müharibəetmirik. Ona görə də bunun real təhlükə olduğunu düşünmürəm. Eyni zamanda, Avropa ölkələri öz müdafiə xərclərini artırmalıdır. NATO Nizamnaməsində hamımıza məlum olan 5-ci maddə var, lakin 3-cü maddə də var ki, hər bir ölkə özünün və kollektiv müdafiəsini gücləndirmək üçün əlindən gələni etməlidir.

O, həmçinin əmindir ki, Rusiya Ukraynaya qarşı müharibəyə görə məsuliyyətdən yayınarsa, NATO növbəti işğal hədəfinə çevrilə bilər. Ona görə də Ukraynaya dəstək vermək və Ukrayna Silahlı Qüvvələrinə işğalçıları rədd etməkdə kömək etmək vacibdir.

Ukraynanı dəstəkləmək. Rusiyanı öz sərhədlərinə sıxışdıra bilməsi üçün ölkəyə hərbi yardım göstərməyimiz çox vacibdir.
– Kallas qeyd etdi.