Kreml Azov dənizində Rusiyaya məxsus 2 təyyarənin Ukrayna tərəfindən vurulması ilə bağlı hər hansı məlumata sahib olmadığını açıqlayıb.

“azerinews.az” Rusiya mediasına istinadən xəbər verir ki, bu barədə Kremlin rəsmi sözçüsü Dmitri Peskov danışıb.

O, həmçinin sözügedən mövzunun xüsusi hərbi əməliyyata aid olduğunu bildirib və jurnalistlərə bununla bağlı Müdafiə Nazirliyinə müraciət etməyi tövsiyə edib. 

Xatırladaq ki, Ukrayna mediası Azov dənizi üzərində Rusiyaya məxsus “A-50” kəşfiyyat və “İl-22M” bombardmançı təyyarələrinin vurulduğunu yazıb. Rusiya MN məsələni rəsmi olaraq şərh etməyib.