Slovakiyanın Baş naziri Robert Fiço macar həmkarı Viktor Orbanın Ukraynaya yardımla bağlı qərara qoyduğunu vetonu dəstəkləyib. 

“azerinews.az” xəbər verir ki, bu barədə məlumatı “Reuters” yayıb. 

Burada söhbət 4 il müddətinə Ukraynaya 50 milyard avro maliyyə yardımının ayrılmasından gedir. 

Belə ki, Orban Fiço ilə birgə mətbuat konfransında bildirib ki, Ukrayna üçün istənilən maliyyə aləti Avropa İttifaqı büdcəsindən ayrı olmalıdır: “Aİ büdcəsindən 4 il müddətinə 50 milyard avronun verilməsi ittifaqın suverenliyinin və milli maraqlarının pozulmasıdır”. 

Fiçonun sözlərinə görə isə, Slovakiya Macarıstanı dəstəkləyir və Orbanın Aİ büdcəsinin dəyişdirilməsi ilə bağlı narazılığı qanunidir: “Slovakiya rəhbərliyi Macarıstanın Baş nazirinin irəli sürdüyü və sürəcəyi təklifləri dəstəkləyəcək”.

Xatırladaq ki, bundan əvvəl Avropa Komissiyası 2024-2027-ci illər üçün Ukraynaya 50 milyard avro ayrılmasını təklif edib. Aİ ölkələrinin liderləri bu təşəbbüsü ötən il dekabrın 14-15-i keçirilən sammitdə nəzərdən keçirsə də, Macarıstan bu qərara veto qoyub. Sözügedən məsələ Aİ-nin fevralın 1-i baş tutacaq sammitindən müzakirə ediləcək. Lakin Orban bu məsələyə veto qoyacağını bildirib.