Ukrayna verdiyimiz silahlardan Rusiyanın ərazisindəki istənilən obyektə zərbə endirə bilər.

"Azerinews.az" ın xəbərinə görə, bunu Polşanın müdafiə nazirinin müavini Sezari Tomçik “Radio Zet” radiostansiyasının efirində bildirib.

O deyib ki, təmsil etdiyi hökumət bu məsələdə hər hansı məhdudiyyət tətbiq etmək niyyətində deyil. Nazir ölkəsinin rəsmi Kiyevə növbəti hərbi dəstək paketinin anonsunu da verib:

“Biz hazırda Ukrayna tərəfinə 45-ci hərbi yardım paketini hazırlayırıq. Onun məbləği təqribən 5 milyard dollara yaxın olacaq”.

Qeyd edək ki, ötən gün Avropa İttifaqının xarici siyasət və təhlükəsizlik üzrə ali nümayəndəsi Cozep Borrell də Avrozona tərəfindən adı çəkilən ölkəyə göndərilən silah-sursatın Rusiya ərazisinə istiqamətləndirməyə icazə verildiyini bəyan edib.