Özbəkistan Prezidenti Şavkat Mirziyoyev Türkiyə prezidenti Rəcəb Tayyib Ərdoğanın dəvəti ilə iyunun 6-da Türkiyəyə rəsmi səfər edəcək.

“Azerinews.az” Özbəkistan mətbuatına istinadən xəbər verir ki, səfər çərçivəsində Ankarada ölkə başçılarının rəhbərliyi ilə Strateji Əməkdaşlıq Şurasının üçüncü sessiyasının keçirilməsi planlaşdırılır.

Sammitin gündəliyinə Özbəkistan və Türkiyə arasında hərtərəfli strateji tərəfdaşlıq əlaqələrinin genişləndirilməsi və möhkəmləndirilməsi daxildir.

İlk növbədə ticarət həcminin artırılması, sənayenin “yaşıl” enerji, elektrotexnika, toxuculuq, əczaçılıq, kənd təsərrüfatı və digər sahələr üzrə praktiki əməkdaşlığın genişləndirilməsinə xüsusi diqqət yetiriləcək.

Yüksəksəviyyəli danışıqların yekununda bir sıra ikitərəfli sənədlərin qəbulu planlaşdırılır.