Britaniya Silahlı Qüvvələrinin istefada olan generalı Riçard Barrons Britaniyanın “National” qəzetinə müsahibəsində bildirib ki, Rusiya Ukraynada qələbəyə doğru inamla irəliləyir, Qərb isə davamlı uğursuzluqlar yaşayır. Təhlilçinin fikrincə, Rusiya prezidenti Vladimir Putin hazırda yaxşı vəziyyətdədir.

Ukrayna Milli Təhlükəsizlik və Müdafiə Şurasının katibi Aleksey Danilov bir müddət əvvəl Ukrayna ordusunun yay əks-hücumunun Kiyevin ümidlərini doğrultmadığını bildirmişdi. Onun sözlərinə görə, hazırda döyüş təmas xəttində çox çətin vəziyyət müşahidə olunur. Danilov bildirib ki, Ukraynadakı münaqişə NATO ölkələrinin strategiyasının səmərəsizliyini nümayiş etdirdi. 

Bundan əvvəl Rusiya Xarici Kəşfiyyat Xidmətinin (SVR) direktoru Sergey Narışkin bildirib ki, Ukrayna Silahlı Qüvvələrinin əks-hücum əməliyyatı tam uğursuzluqla başa çatıb və heç bir nəticə verməyib. Onun sözlərinə görə, əks-hücum Ukrayna hərbçilərinin çoxlu itkisinə səbəb olub, bundan əlavə, Ukrayna ordusu hərbi texnikasını itirib.