Moskva Planetariumunun məlumatına görə, dekabrın 21-i bu ilin ən qısa günü olacaq.

21 dekabr qış gündönümüdür. Alimlər bildiriblər ki, gecənin müddəti maksimum, gündüz isə minimum olacaq. Sonra gün uzanmağa başlayacaq.

Elm və Təhsil Nazirliyi Nəsirəddin Tusi adına Şamaxı Astrofizika Rəsədxanasının məlumatına görə, bu il Azərbaycanda qış fəsli 21 dekabr saat 13:20-də başlayacaq. Bu zaman Şimal yarımkürəsində ən qısa gündüz (9 saat 17 dəqiqə 22 saniyə) və ən uzun gecə (14 saat 42 dəqiqə 38 saniyə) müşahidə olunacaq.

Xatıradaq ki, hazırda davam edən payız fəsli Azərbaycana 22 sentyabr saat 16:43-də daxil olub.