Azərbaycan rəssamları Bakıda keçirilən seminarda Polşaya həsr olunmuş əsərlərini təqdim ediblər.

"Azerinews.az" xəbər verir ki, tədbir Polşanın Azərbaycandakı səfirliyinin dəstəyi ilə təşkil olunub.

Seminarda Polşanın Azərbaycandakı səfiri Rafal Poborski də iştirak edib. Tədbirdə rəssamlar Polşa tarixinə, adət-ənənələrinə, məşhur mədəniyyət və memarlıq abidələrinə həsr olunmuş əsərlər çəkiblər.

Rəsmlərin bəziləri polşalı memarlar tərəfindən Bakıda tikilmiş tarixi binalara həsr olunub. Tədbirin qonaqları rəsm əsərlərinin yaradılması prosesini maraqla izləyiblər.

Ümumilikdə, 9-u Azərbaycandan, 1-i isə Ukraynadan olmaqla 10 rəssam əsərlərini təqdim edib.