Ağdamın Xıdırlı kəndinə daha 24 ailə köçürülüb

Ağdam rayonunun Xıdırlı kəndinə yola salınan növbəti köç karvanı kəndə çatıb.

Oxu.Az "Report"a istinadən xəbər verir ki, sakinlərin qarşılanma mərasimi keçirilib.

Bu mərhələdə kəndə 24 ailə (124 nəfər) köçürülüb.

07:58

İşğaldan azad edilmiş ərazilərə növbəti köç karvanı yola salınıb.

"Azerinews.az"Report"a istinadən xəbər verir ki, bu mərhələdə Ağdam rayonunun Xıdırlı kəndində məskunlaşacaq keçmiş məcburi köçkünlər - 24 ailə (124 nəfər) paytaxtdan yola düşüblər.

Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya təşəkkür ediblər.

Onlar, həmçinin, torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət diləyiblər.