Bakının Sabunçu rayonu, Nardaran qəsəbəsində dənizdə bir nəfər batıb.

“Azerinews.az” xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, hadisə ən yaxın sularda xilasetmə məntəqəsindən təqribən 5 km aralıda, nəzarətsiz ərazidə baş verib. FHN-in "112" qaynar telefon xəttinə daxil olmuş məlumatla əlaqədar, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.

Həyata keçirilən tədbirlər nəticəsində meyit sudan çıxarılaraq aidiyyəti üzrə təhvil verilib.