Danimarka Ukraynaya bu ilin yayında 19 ədəd F-16 qırıcıları tədarük edəcək.

"Azerinews.az" xəbər verir ki, bu barədə Krallığın Müdafiə Nazirliyinin mətbuat xidməti məlumat yayıb.

Qeyd olunub ki, Ukrayna Rusiya ordusunun səmada üstünlüyünə qarşı çıxmaq üçün Amerika istehsalı olan F-16 qırıcılarından istifadə etmək istəyir.

ABŞ tərəfi bu ilin yayında ukraynalı pilotların təlimləri başa çatana qədər F-16 qırıcılarının Danimarka və Niderlanddan Ukraynaya təhvil verilməsini təsdiqləyib.

Niderland hökuməti də ötən ilin avqustunda Ukraynaya F-16 qırıcılarının göndəriləcəyini açıqlayıb və Krallıq ukraynalı pilotlara təlimlər keçirildiyini qeyd edib, lakin 42 təyyarənin nə vaxt tədarük ediləcəyini açıqlamayıb.