"Milli Hərəkat" partiyasının çox sayda üzvü partıyanı tərk edib

"Azerinews.az" Gürcüstan mətbuatına istinadən xəbər verir ki, Gürcüstanın “Vahid Milli Hərəkat” partiyasının Zuqdidi qərargahının üzvləri və bir sıra fəalları da daxil olmaqla 70-ə yaxın şəxs partiyanı tərk edib. Bu barədə brifinq keçirən Qanmuxuri seçki qərargahının nümayəndəsi İrina Şedaniya məlumat verib. Şedaniya bildirib ki, onlar partiyanın hazırkı rəhbərliyinin fikirlərini bölüşmürlər və buna görə də partiyanı tərk edirlər. Onun sözlərinə görə, "Vahid Milli Hərəkat"dan ayrılanlar keçmiş partiya sədri Nika Meliyanın komandasına qoşulacaqlar.