Dekabrda 6-da Moldovada Azərbaycanla bu ölkə arasında iqtisadi əməkdaşlıq üzrə birgə Hökumətlərarası Komissiyanın növbəti iclası keçiriləcək.

"Azerinews.az" Kənd Təsərrüfatı Nazirliyindən verilən məlumata görə xəbər verir ki, bu barədə nazir Məcnun Məmmədovun Moldovanın Azərbaycandakı səfiri Aleksandr Esaulenko ilə keçirdiyi görüşdə bildirilib.

Tərəflər iki ölkənin kənd təsərrüfatı, enerji, nəqliyyat, təhsil, turizm və digər sahələrdə əməkdaşlıq imkanlarını, bu sahələrdə imzalanmış və razılaşmada olan müqavilələri, gələcək əməkdaşlıq istiqamətlərini müzakirə ediblər.

Xatırladaq ki, komissiyanın Azərbaycan tərəfdən həmsədri M.Məmmədovdur.